Day: १३ कार्तिक २०८१, मंगलवार

काठमाडौं | भारतीय फुटबल संघ (एआईएफएफ)ले साफ वुमन्स च्याम्पियनसिपको सेमिफाइनलमा नेपालले एक घण्टाभन्दा बढी समय खेल रोकेको भन्दै उजुरी गर्ने भएको छ। खेल भएको भोलिपल्ट एआईएफएफले साफमा उजुरी गर्ने निर्णय गरेको भारतीय सञ्चार माध्यमहरूले जनाएका छन् । आइतबार राती भएको खेल रेफ्रीको विवादास्पद निर्णयका कारण नेपालले खेल्न नमानेपछि करिब एक घण्टा रोकिएको थियो। रेफ्रीको निर्णयलाई लिएर दर्शकले मैदानमा बोतलहरू प्रहार गरेका थिए। पुनः सुरु भएको खेलमा गोल गर्दै नेपालले खेललाई टाइब्रेकरमा पुर्‍याएको थियो। त्यसपछि नेपाल टाइब्रेकरमा ४–२ गोलले विजयी भएर फाइनल पुगेको थियो।...

काठमाडौँ । फिल्म ‘ह्रस्व दीर्घ’ कात्तिक ३० गतेदेखि सार्वजनिक प्रदर्शनमा आउँदैछ । नेपाली र हिन्दी दुई भाषामा एकसाथ प्रदर्शन हुन लागेको फिल्म नेपाली र दक्षिण भारतीय कलाकारले भरिएको छ । अभिनेत्री नीता ढुंगानाको निर्माण रहेको फिल्ममा उनका पति हरिहर अधिकारी अभिनेतामा छन् । फिल्म फेमिली र लभस्टोरी ड्रामा बनेको निर्माण युनिटले जानकारी दियो । काठमाडौँमा आयोजित एक कार्यक्रममा अभिनेत्री ढुंगानाले एकैपटक अभिनय र निर्मात्री बन्दाको अनुभव साटिन् । ‘प्रोड्युसर मात्र बनेको भए पनि हुने रहेछ । दुई–तीनतिरको दबाब झेल्न निकै गाह्रो हुने रहेछ’, नीताले भनिन्, ‘हाम्रो उद्योगमा कसैले पनि सपोट गरेनन् ।’ उनले वर्षाैदेखि अभिनय गर्दा सिक्न नसकेको पाठ निर्माता बनेर सिकेको बताइन् ।  उनले भनिन्, ‘म मार्फत दुई फिल्म उद्योगलाई जोडेर काम गर्ने वातावरण बन्यो ।’ फिल्मबाट चन्द्र पन्तले निर्देशनमा डेब्यु गरेका छन् । एक्स...

नवलपुर । नारायणगढ–बुटबल सडकखण्डमा अत्याधुनिक सिसी क्यामेरा जडान गरिने भएको छ । सिसी क्यामेरा नहुँदा दुर्घटनाका कारण पत्ता लगाउन र दुर्घटनापछि फरार हुनेहरुको खोजी गरी अनुसन्धान गर्न सजिलो हुने भएकाले जिल्ला प्रहरी कार्यालयले अत्याधुनिक क्यामेरा जडान गर्ने तयारी गरेको हो । जिल्ला प्रहरी कार्यालयका प्रहरी नायब उपरीक्षक जेसी शाहले चालक र गाडीको गतिसमेत डिटेक्ट गर्ने एनपिआर क्यामेरा जडान गर्ने तयारी गरिएको जानकारी दिए । उनका अनुसार एउटा क्यामेराको मूल्य एक लाख २५ हजार रूपैयाँ पर्छ । उक्त रकम जिल्लाका पालिकाबाट प्राप्त हुने र कुन पालिकाले कति रूपैयाँ दिने भन्ने विषयमा प्रमुख जिल्ला अधिकारीसहितको छलफलबाट तय हुने उनले जानकारी दिए । बाटो विस्तारका क्रममा रहेकाले अहिले नारायणगढ–बुटबल सडकखण्डमा राखिएका क्यामेराहरु हराएका र केही बिग्रेको अवस्थामा छन् । हाल दुम्किबासमा एउटा मात्र सिसी क्यामेरा...

तनहुँ । तनहुँको बन्दीपुरबाट पिकनिक खाएर फर्कने क्रममा नवलपुरकी एक छात्रा मुग्लिनबाट बेपत्ता भएकी छिन् । मध्यविन्दु नगरपालिकाको कुमारवर्ती माध्यमिक विद्यालयका कक्षा ११ र १२ का विद्यार्थी तनहुँको बन्दिपुर घुम्न गएका थिए । घुमेर फर्कने क्रममा कक्षा ११ मा पढ्ने १९ वर्षीया विपना चौधरी वेपत्ता भएको क्याम्पसले जनाएको छ । विद्यार्थी लिएर फर्किदै गरेको बस नारायणघाट–मुग्लिङ सडक खण्डको तीन नम्बर पुलमा शौच गर्न रोकेको थियो । शौच गरेर नफर्किए पछि विपनाको रातिदेखि नै खोजी सुरु गरेको क्याम्पसका शिक्षक नारायण अर्यालले बताए । विद्यार्थी वेपत्ता भएपछि शिक्षक र अभिभावक राति नै मुग्लिन पुगेका थिए । शौच गर्ने क्रममा विपना त्रिशुलीमा खसेको आशंका गरिएको छ । उनी हराएको स्थानमा नेपाल प्रहरी, सशस्त्र प्रहरी, विद्यालयका व्यवस्थापन समितिका पदाधिकारी, शिक्षक तथा अभिभावकहरुले खोजी कार्यलाई निरन्तरता दिइरहेको अ...

भरतपुर । भरतपुर महानगरपालिकाले हालसम्म ९२३ छोरीको जीवन बिमा गरिदिएको छ । महानगरको २०७९ जेठ ११ गतेको निर्णय र भरतपुर महानगरपालिका छोरी जीवन बिमा गर्नेसम्बन्धी कार्यविधि, २०७९ (प्रथम संशोधन २०७९) अनुसार महानगरले छोरीहरुको जीवन बिमा गरिदिएको हो । चालू आव २०८१/८२ को हालसम्म ८० जना छोरीको जीवन बिमा भइसकेको महानगरले जनाएको छ । छोरी जीवन बिमासम्बन्धी पहिलो कार्यविधि २०७९ असार ३१ गते प्रमाणीकरण भएको थियो । संशोधित कार्यविधि २०७९ माघ २९ गते प्रमाणीकरण भई कार्यान्वयन भएको हो । महानगरभित्र स्थायीरुपमा बसोवास गर्ने र सरकारी स्वास्थ्य संस्थाबाट प्रसूति सेवा लिएकी आमाले छोरी जन्माए ती छोरीको महानगरले जीवन बिमा गरिदिने गरेको छ । छोरी जीवन बिमाका लागि बुबाआमाले आवश्यक प्रक्रिया पूरा गरी निवेदन दिनुपर्ने महानगरको महिला, बालबालिका तथा समाजकल्याण शाखाकी वरिष्ठ महिला विकास अधिकृत एवं जीवन बिमा कार्यान्वयन ...

रत्ननगर । रत्ननगर नगरपालिका सार्वजनिक सेवा प्रवाह तथा क्षमता विकास समितिको आयोजनामा शुभदीपावली, छठपर्व तथा नेपाल सम्वतको अवसरमा जनप्रतिनिधि र कर्मचारीबीच शुभकामना आदानप्रदान तथा अन्तरसंवाद कार्यक्रम सम्पन्न भएको छ । कार्यक्रमका प्रमुखअतिथि नगरप्रमुख प्रलाद सापकोटाले समयमै काम सम्पन्न गर्न कर्मचारीलाई निर्देशन दिँदै कर प्रशासनलाई अझै मजबुत बनाउन आग्रह गरे । नगरको सेवा प्रवाहका कारण लिजामा मूल्याङ्कनमा नेपालभरकै नगरपालिकामा तेस्रो स्थान हासिल गर्न सफल भएकोमा सबैमा आभार व्यक्त गर्दै कर्मचारीहरुको समस्याहरुको सम्बोधन गर्नेगरी अन्तरर्किया गर्ने बताए । यस्तै, विशिष्ट अतिथि उपप्रमुख यादवप्रसाद पाठकले लिजाको रिजल्टले जनप्रतिनिधि र कर्मचारीबीच समन्वय भइरहेको पुष्टि गरेको बताउँदै हुनसक्ने काम समयमै पूरा गर्ने र नहुने काम यो कारणले हुँदैन भनेर सेवाग्राहीलाई बुझाउन आग्रह गरे । उनले विधि र ऐनलाई ...

भक्तपुर । चाँगुनारायण नगरपालिकाको तलकोटबाट यात्रु बोकेर आएको यात्रुवाहक बस आज खरिपाटीस्थित घुमाउनेमा दुर्घटना हुँदा १० जना यात्रु घाइते भएका छन् । नगरपालिका कार्यालयसँगै घुमाउनेमा तीव्र गतिमा आएको प्रदेश–३–०१–००६ ख ०३१२ नंको बस अनियन्त्रित भई सडकको खम्बामा ठोक्किएर दुर्घटना हुँदा १० जना घाइते भएको जिल्ला ट्राफिक प्रहरी परिसरका प्रमुख एवं ट्राफिक प्रहरी निरीक्षक प्रदीप खत्रीले जानकारी दिए। घाइतेहरुको भक्तपुर अस्पतालमा उपचार भइरहेको उनले जानकारी दिए । दुर्घटनाका प्रत्यक्षदर्शी गोकर्ण पुरीले बस दुर्घटनामा घाइतेको आफूहरुले उद्धार गरी एम्बुलेन्समा हालेर भक्तपुर अस्पताल पठाएको र अगाडि बस्ने दुईजनाको अवस्था भने गम्भीर रहेको जानकारी दिए। बस खम्बामा ठोक्किएर दुर्घटना हुँदा विद्युत्को खम्बासमेत भाँचिएको उनले जानकारी दिए।...

रत्ननगर । शारीरिकरूपमा अशक्तता भई हिँडडुल गर्न नसक्ने तथा कमजोर आर्थिक अवस्थाका कारण उच्च शिक्षा अध्ययन गर्ने सपना पूरा गर्न नसकेकी रत्ननगर–१२ का प्रकृति देवकोटालाई रत्ननगर नगरपालिकाले सहयोग गरेको छ । कम्मरभन्दा तलको भागले टेक्न नसक्ने शारीरिक समस्या भएकी उनको स्नातक अध्ययन गर्ने सपना नगरपालिकाले पूरा गरिदिने भएको छ । सोमबार रत्ननगर नगरपालिकाका मेयर प्रलाद सापकोटाले चारपाङ्ग्रे स्कुटर हस्तान्तरण गर्दै उनको बाँकी शैक्षिक यात्राका लागि सहयोग गर्ने प्रतिबद्धता व्यक्त गरेका छन् । ‘रत्ननगरमा आर्थिक अभावका कारण पढ्नबाट कोही पनि वन्चित हुनु पर्दैन’, उनले भने, नगरपालिकाले अभिभावकत्व ग्रहण गर्ने प्रकृतिजस्तै विद्यार्थीहरुका लागि हो ।’ शहीद स्मृति बहुमुखी क्याम्पससम्म जान आउन सहज होस् भनेर चारपाङ्ग्रे स्कुटर प्रदान गरिएको र उनका लागि आवश्यक शैक्षिक शुल्क, स्टेसनरी लगायतका सामग्रीको लागि पन...