समाचार

रत्ननगर । रत्ननगर खानेपानी तथा सरसफाई उपभोक्ता संस्था अन्तर्गत वडा नं ३ वडा समितिले जनतासंग पानीका कुरा कार्यक्रमको पहिलो श्रृंखला पुरा गरेको छ । खानेपानीको महत्व बुझाउदै उपभोक्ताको सुझाब संकलन र समस्या सामधानको लागि टोल स्तरमा जनतासंग पानीका कुरा कार्यक्रम सञ्चालन गरिएको थियो । वडा समितिले उक्त कार्यको शनिबार एक औपचारिक कार्यक्रमको आयोजना गरी समापन गरेको छ । संस्थाका अध्यक्ष माधव अर्याल प्रमुख अतिथि रहेको कार्यक्रममा कार्यप्रगति प्रतिवेदन प्रस्तुत गर्दै वडा समितिका संयोजक शम्भूभक्त थपलियाले सप्ताहव्यापी घरदैलो अभियान सञ्चालन गरिएको जानकारी दिए । घरदैलोमा पाइप लाइन नपुगेको ठाउँहरुमा पहिचान सहित विस्तार, पानीको गुणस्तरको अवस्था र समाधान, जन गुनासोको कुरा सम्बन्धित निकायमा राख्ने, उपभोक्ताहरुको सुझावलाई संकलन, पानीको स्रोत संरक्षणमा उपभोक्ताहरुको दायित्वलाई बोध, धारा नजोडेका उपभोक्ताहरुको अव...

चितवन, भण्डारा – नेपाल रेडक्रस सोसाइटी जिल्ला शाखा चितवनको आयोजनामा र उपशाखा भण्डाराको समन्वयमा, इलाका प्रहरी कार्यालय भण्डारामा एकदिने प्राथमिक उपचार तालिम सम्पन्न गरिएको छ । सो तालिममा इप्रका भण्डारा तथा मातहतका कार्यालयहरूमा कार्यरत प्रहरी प्रमुख, प्रहरी जवानहरू र ट्राफिक प्रहरीहरूको सक्रिय सहभागिता रहेको थियो । तालिमको उद्देश्य आपतकालीन अवस्थामा आवश्यक पर्ने आधारभूत स्वास्थ्य सहायता सम्बन्धी ज्ञान र सीप प्रदान गर्नु रहेको थियो। तालिमको सहजीकरण रेडक्रस जिल्ला शाखाका उपमन्त्री महेश्वर थपलिया र शाखा सदस्य रुद्र अधिकारीले गर्नुभएको थियो । सहभागीहरूले प्राथमिक उपचारका आधारभूत विधि, रक्तस्राव नियन्त्रण, हड्डी भाँचिएको अवस्थामा गरिने सल्लाह र तत्कालीन उपचार, जलन वा दुर्घटनाका घटनामा आवश्यक हुने उपायहरूबारे जानकारी लिएका थिए। कार्यक्रमको विशेष अवसरमा रेडक्रस जिल्ला शाखाले प्राथमिक उपच...

खैरहनी,जेठ ८ । पुर्वी चितवनको खैरहनी-१ पर्सास्थित युनिक बचत तथा ॠण सहकारी संस्थाको सेवा केन्द्रले बिहिबार एक कार्यक्रमको बिच खैरहनी-१ साईचोकमा रहेको श्री कृष्ण मन्दिरलाई ४३ ईन्चको एल.सि.डि हस्तान्तरण गरेको छ। कार्यक्रममा सो साकोसको पर्सा सेवा केन्द्रका संयोजक राममणी न्यौपाने र खैरहनी नगरपालिका वडा नम्वर-१ का वडा अध्यक्ष नवराज भुषालले मन्दिर व्यवस्थापन समितिलाई संयुक्त रुपमा सो सामग्री हस्तान्तरण गरेका हुन। सो सेवा केन्द्रका संयोजक राममणी न्यौपानेको अध्यक्षता रहेको उक्त कार्यक्रममा खैरहनी नगरपालिका वडा नम्वर-१ का वडा अध्यक्ष नवराज भुषाल प्रमुख अतिथिको रुपमा रहेका थिए। त्यस्तै,विशिष्ट अतिथिमा रोटरी क्लव अफ पुर्वी चितवनका बर्ष २०२५/२६ का अध्यक्ष गुण बहादुर अर्याल(महेश)रहनुभएको थियो। कार्यक्रम शुभकामना मन्तव्य राख्दै सो सेवा केन्द्रका कोषाध्यक्ष केशव प्रसाद रिजालले विगत देखि नै समुदाय...

चितवन । भरतपुर–१२ को गोन्द्राङमा नगर स्तरीय पार्क निर्माण हुने भएको छ । साढे करोड बढी लागतमा निर्माण हुने राईनो पार्क तथा खुला चिडियाखानाको एक कार्यक्रमका बीच भरतपुर महानगरपालिका प्रमुख रेनु दाहालले शिलान्यास गरेकी छन्। उनले भरतपुर महानगरपालिकाको एक वडा, एक पार्कको नीति अनुसार राजमार्गसँग जोडिएको यस ठाँउमा पार्क निर्माण गर्न लागिएको बताइन् । उनका अनुसार यो पार्कमा विभिन्न पर्यटकीय पूर्वाधारहरु निर्माण र सौन्दर्यकरणको काम हुनेछ । राईनो पार्क भरतपुर आउने पर्यटकलाई नजिकै छोटो समय घुमघाम गर्न उपयुक्त स्थान बन्ने विश्वास व्यक्त गरिन्। बेलशहर सामुदायिक वन क्षेत्रमा पर्ने पार्क ८ विघा क्षेत्रफलमा निर्माण हुनेछ । गौतम मोर्डन जेभीले २०८२ कात्तिक ७ गतेभित्र निर्माण सम्पन्न हुने गरी मूल्य अभिवृद्धि करसहित रु २ करोड २३ लाख ८ हजार ६५४ रुपैयाँमा पार्कको निर्माण गर्नेछ । भरतपुर महागनरपालिक...

ट्राफिक प्रहरी प्रभाग नागढुंगाका इन्स्पेक्टर र प्रहरी जवानमाथि प्रहरीले सोधपुछ गरिरहेको छ। बुधबार बिहान ट्राफिक प्रहरी इन्स्पेक्टरले प्रहरी जवानलाई थप्पड हानेको भिडिओ सामाजिक सञ्जालमा भाइरल भएको थियो। भिडिओ भाइरल भएसँगै  ट्राफिक प्रहरी कार्यालय काठमाडौं उपत्यका ट्राफिक कार्यालयले ट्राफिक प्रहरी इन्स्पेक्टर जितेन्द्र कुमार साहलाई बोलाएर सोधपुछ गरिरहेको छ भने प्रहरी जवान मदन खड्कालाई जिल्ला प्रहरी परिसर काठमाडौंले सोधपुछ गरिरहेको छ। उनीहरू दुवै जनालाई जिम्मेवारीबाट हटाइएको काठमाडौं उपत्यका प्रहरी कार्यालय रानीपोखरीले जनाएको छ। ट्राफिक प्रहरी कार्यालयका एसपी दीपक गिरीका अनुसार प्रहरी जवानले आर्थिक लेनदेन गरेको हुनाले  ट्राफिक प्रहरी इन्स्पेक्टरले थप्पड हानेको बताएका छन्। तर यसबारे थप सोधपुछ भइरहेको छ। 'एक पक्षको मात्र कुरा सुनेर हुँदैन। दुवै पक्षबीच सोधपुछ चलिरहेको छ,' एसपी गिर...

रत्ननगर । 'बुक फ्रि डे' अन्तर्गत रत्ननगर- १० मा रहेको प्यारागन सेकेन्डरी स्कुलमा अध्ययनरत कक्षा ७ देखि कक्षा १० सम्मका विद्यार्थीहरूलाई वर्ड एजुकेशन सोसाईटीले बुधवार बिसहजारी ताल र भरतपुर महानगरको बाटुली पोखरीमा चरा अबलोकन गराएकोछ । चरा मार्न हुँदैन, चरा संरक्षण गर्नुपर्छ भन्ने उद्धेश्यले वर्ड एजुकेशन सोसाईटीले बुधवार विद्यार्थीहरूलाई चरा अवलोकन गराएको हो । वर्ड एजुकेशन सोसाईटीले हरेक शनिवार फरक फरक स्थानमा चराहरु अबलोकन गराउदै आइकोछ । विभिन्न विद्यालयहरुमा पुगी सोसाईटीले चरा संरक्षण सम्बन्धी सचेतना फैलाउदै आएको छ । गत वर्षदेखि प्रत्यक महिनाको अन्तयमा नर्शरी देखि कक्षा १० सम्मका विद्यार्थीलाई 'बुक फ्रि डे' गराउदै आएको प्यारागन बिद्यालयले सोही अन्तर्गत यो वर्षको पहिलो कार्यक्रम अन्तर्गत बिसहजारी ताल र बाटुली पोखरीमा चरा अबलोकन गराईएको बिद्यालयका सह-प्राचार्य ओम राज आचार्यले जानकारी दिए ...

अविरल वर्षाका कारण बिपी राजमार्गको माप्तीस्थित रोशी खोलाको बाढीले सोमबार राति डाइभर्सन बगाउँदा आठ घण्टादेखि राजमार्ग अवरुद्ध भएको छ। सोमबार रातिदेखि अवरुद्ध राजमार्ग खुलाउने प्रयास भइरहेको जिल्ला प्रहरी कार्यालयले जनाएको छ। कार्यालयका सूचना अधिकारी प्रहरी नायब उपरीक्षक मीनबहादुर घलेका अनुसार उक्त बाढीले रोशी गाउँपालिका–१२ स्थित राजमार्गको मंगलटारतर्फको सडक राति थप क्षति पुर्‍याएपछि राजमार्ग खुलाउन सकिएको थिएन। उनले प्रहरी टोली तथा स्थानीयका पहलमा आज बिहानैदेखि एकतर्फी भए पनि राजमार्ग खुलाउने प्रयास भइरहेको बताए। गत वर्ष असोजको बाढीले राजमार्ग बगाउँदा उक्त स्थानमा अस्थायी रूपमा डाइभर्सन निर्माण गरिएको थियो। प्रहरीले उक्त राजमार्गमा अलपत्र १७ यात्रुको उद्धार गरेको जनाएको छ। यसैबीच, सोमबार दिउँसोको अविरल वर्षापछिको बाढीमा बेपत्ता यहाँकी एक महिलाको मंगलबार पनि खोजी सुरू गरिएको प्रहरीले ज...

नयाँ दिल्ली । पाकिस्तानले तीन घण्टा नबित्दै युद्धविराम सम्झौताको उल्लङ्घन गरेको आरोप भारतले लगाएको छ । भारतीय विदेश सचिव विक्रम मिश्रीले राति ११ बजे पत्रकार सम्मेलन गरी सो प्रतिक्रिया दिएका हुन् । पत्रकार सम्मेलनमा उनले भने- ‘पाकिस्तानले पछिल्ला केही घण्टादेखि युद्धविराम सम्झौताको उल्लङ्घन गरिरहेको छ। भारतीय सेनाले आक्रमणको जवाफ दिइरहेको छ र त्यसको सामना गरिरहेको छ। यो आक्रमण अत्यन्तै निन्दनीय छ । यसको लागि पाकिस्तान जिम्मेवार छ।’ पाकिस्तानले भारतीय सीमामा प्रवेश गर्न चाहेको समेत मिश्रीले बताए । उनले आफूहरूले पनि भारतीय सेनालाई आक्रमणका लागि स्वतन्त्रता दिएको बताएका छन् । ‘हामी विश्वास गर्छौँ कि पाकिस्तानले परिस्थितिलाई स्पष्ट रूपमा बुझ्नुपर्छ र यो आक्रमण रोक्न तुरुन्तै र उपयुक्त कदम चाल्नुपर्छ’ उनले भने । विदेश सचिव मिश्रीले भारतीय सेनाले परिस्थितिमाथि नजिकबाट निगरानी गरिरहेको सम...