समाचार

आगामी शुक्रबार (साउन २३) बाट रिलिज हुन लागेको फिल्म ‘मोहर’ सेन्सर पास भएको छ। चलचित्र सेन्सर बोर्डले कुनै दृश्य नकटाई फिल्मलाई PG सर्टिफिकेट दिएको छ, जसअनुसार १६ वर्ष मुनिका दर्शकले अभिभावकको साथमा मात्र फिल्म हेर्न पाउनेछन्। ओम प्रतीकको लेखन तथा निर्देशनमा बनेको फिल्ममा पल शाह, नीति शाह, बेनिशा हमाललगायतको अभिनय छ। प्रचारमा नायक पल शाह र गायक थानेश्वर गौतम देशभर दर्शकसँग प्रत्यक्ष भेट गर्दै छन्।...

नेपाली टोली होरा इस्पोर्ट्सले साउदी अरेबियामा सम्पन्न पब्जी मोबाइल विश्वकपमा नवौं स्थान हात पार्दै १.७८ करोड रुपैयाँ जितेको छ। १८ खेलमा १०० अंक जोडेको होराले अन्तिम खेलमा चिकन डिनर पनि जित्यो। लिग चरणमा १३औं भएपछि सर्भाइभल स्टेज पार गर्दै फाइनल पुगेको थियो। उपाधि म्यानमारको वाइजी इस्पोर्ट्सले जित्यो।    ...

काठमाडौं । प्रधानमन्त्री केपी शर्मा ओली भूपरिवेष्टित विकासशील राष्ट्रहरू (एलएलडिसी) को तेस्रो संयुक्त राष्ट्रसंघीय सम्मेलनमा सहभागी हुन आइतबार राति तुर्कमेनिस्तान प्रस्थान गरेका छन्। ५ देखि ८ अगस्टसम्म अवाजा सहरमा हुने सम्मेलनमा सहभागी हुन प्रधानमन्त्री ओली राष्ट्रपति सेरदार बेरदिमुहामेदोभ र राष्ट्रसंघ महासचिव एन्टोनियो गुटेरेसको निमन्त्रणामा त्यहाँ गएका हुन्। ओली सम्मेलनमा विश्वव्यापी समन्वय ब्यूरोका अध्यक्षका रूपमा सम्बोधन गर्ने र गोलमेच बैठकको सहअध्यक्षता गर्ने कार्यक्रम छ। परराष्ट्र मन्त्रालयका अनुसार प्रधानमन्त्रीको भ्रमण टोलीमा श्रीमती राधिका शाक्य, प्रमुख सल्लाहकार, सांसद, चिकित्सक, परराष्ट्र सचिवलगायत अधिकारीहरू छन्। सम्मेलनले पारवहन समस्या, कनेक्टिभिटी अभाव र दिगो विकास चुनौतीका विषयमा छलफल गर्नेछ। ओली साउन २३ गते स्वदेश फर्किने कार्यक्रम छ।  ...

नेपाली खेलकुद मन्त्री तेजुलाल चौधरी विवादमा मुछिएका छन्। खेल संघ र ओलम्पिक कमिटीसँग असमझदारी, दशौँ राष्ट्रिय खेलकुद पटक–पटक सारिँदै आयोजना गर्न नसक्नु, तथा नीतिगत निर्णयमा एकलौटी शैलीले उनको कार्यकाल विवादित बनेको हो। चौधरीले आफैं सञ्चालक रहेको विद्यालयकी प्रिन्सिपललाई राखेप बोर्ड सदस्य बनाउनु र एनपीएल अनियमितता छानबिन संयोजकमा नियुक्त गर्नुले पनि विवाद चर्काएको छ। एसियाली खेलकुदमा सहभागी खेल टुंग्याउने विषयमा मन्त्रालय र ओलम्पिक कमिटीबीचको द्वन्द्व स्पष्ट देखिएको छ। खेलकुद नीतिमा समेत समन्वयको अभाव देखिँदा चौधरीको नेतृत्वमाथि गम्भीर प्रश्न उठेको छ।  ...

चितवन — लामो ड्युटी समय र न्यून सुविधाका कारण चितवनमा प्रहरी सेवाबाट राजीनामा दिने र कारबाहीमा पर्ने संख्या बढेको छ। गत आर्थिक वर्ष २०८१/८२ मा २४ जना प्रहरी कर्मचारी कारबाहीमा परे भने २४ जनाले राजीनामा दिएका छन्। जिल्ला प्रहरी कार्यालयका अनुसार प्रहरी आचरणविरुद्ध २४ उजुरी परेका थिए, जसमा डिएसपीदेखि जवानसम्मको संलग्नता देखिएको छ। पाँच जनालाई निलम्बन, सात जनाको बढुवा वा तलबमा रोक, दुई डिएसपीसहित छ जनालाई सचेत, र अन्यलाई नसिहत दिइएको छ। त्यसैगरी, २२१ प्रहरी कर्मचारीलाई राम्रो कामको आधारमा नगदसहित पुरस्कृत गरिएको प्रहरी उपरीक्षक गोविन्द पुरीले जानकारी दिए।  ...

काठमाडौं – देशका विभिन्न स्थानमा भइरहेको वर्षाका कारण भक्तपुरको हनुमन्ते, रुकुमपश्चिमको ठूलो भेरी र म्याग्दी खोलाको जलसतह सतर्कता तह आसपास पुगेको छ। जल तथा मौसम विज्ञान विभागले नदी किनार, डुबान सम्भावित क्षेत्र र पहिरो जोखिमयुक्त स्थानमा बिहानसम्म विशेष सावधानी अपनाउन आग्रह गरेको छ ।  

पर्साको ग्रामीण र सहरी क्षेत्रमा भारतबाट भैँसी, गुट्खा, ड्राइफ्रुट्स, लत्ताकपडा, मोटर पार्ट्सजस्ता सामानको तस्करी बढेको छ। खुला सीमाको फाइदा उठाउँदै भइरहेको तस्करी रोक्न सुरक्षाकर्मी सक्रिय छन्। सशस्त्र प्रहरी र भन्सार कार्यालयको संयुक्त छापामा वीरगञ्ज क्षेत्रबाट सातामा दुई पटकसम्म ७ देखि १५ लाख रुपैयाँसम्मको सामान बरामद हुने गरेको छ। २०७८/८२ मा सशस्त्र प्रहरीले झन्डै ४० करोड ९१ लाख रुपैयाँ बराबरका अवैध सामान बरामद गरेको छ। यसमध्ये २८ करोड ९२ लाख भन्सारमा र ११ करोड ९९ लाख राजस्व अनुसन्धान कार्यालयमा बुझाइएको थियो।  ...

नवलपुरको सिङ्चाङमा ८० रोपनीमा कागती खेती गर्दै आएका दीपक चापागाईँले मलेसियाबाट फर्किएपछि कृषिमा भविष्य देखेका छन्। पाँच वर्षअघि सुरु गरिएको खेतीले अहिले राम्रै उत्पादन दिन थालेको छ। यो वर्ष मात्र ५० क्विन्टल कागती बजारमा पठाइसकेका छन् भने ५ सय क्विन्टल उत्पादन हुने अनुमान छ। चापागाईँ र देवीप्रसाद भुसालले सफल कृषि फार्ममार्फत खेती विस्तार गर्दै आएका छन्। गाउँका अन्य किसान पनि प्रेरित भई कागती खेतीमा लागेका छन्। कागती खेतीले गाउँमा रोजगारी पनि बढाएको छ। हाल नवलपुरमा १५० किसानले ५० हजारभन्दा बढी बिरुवा लगाएका छन्। जिल्ला कृषि कार्यालयले अनुदान, औषधि र नर्सरी सहयोग गर्दै आएको छ। तर, किसानले उचित बजारको अभाव रहेको गुनासो गरेका छन्।  ...

काठमाडौं — अब सवारी चालक अनुमति पत्र (लाइसेन्स) को अवधि १० वर्षका लागि हुने भएको छ। सरकारले हाल कायम रहेको ५ वर्षे सवारी लाइसेन्स अवधि हटाएर अब १० वर्षका लागि नवीकरण हुने व्यवस्था लागू गर्ने निर्णय गरेको हो। यातायात व्यवस्था विभागले यस निर्णयको तयारी अन्तिम चरणमा पुगेको जनाएको छ। नयाँ प्रणाली लागू भएसँगै एकपटक जारी गरिएको लाइसेन्सको नवीकरण १० वर्षमा मात्र गर्नुपर्नेछ, जसले सेवाग्राहीलाई थप सुविधा पुग्ने अपेक्षा गरिएको छ।  ...