समाचार

काठमाडौँ | दसैँ नजिकिएसँगै खसीबोकाको किनबेच सुरु भएको छ । चाडपर्वमा हुने खर्च जुटाउन किसानले गाउँ गाउँबाट बजारमा ल्याएर खसीबोका बेच्न सुरु गरेका छन् । सर्लाहीमा लालबन्दी, हरिवन, बयलबास र बरहथवा बजारमा दसैँलक्षित गरी खसीबोकाको किनबेच सुरु भएको हो । लालबन्दी बजारका व्यापारी किरण साहले दसैँकै लागि भनेर अहिलेदेखि नै किसानले बजारमा खसीबोका ल्याउन सुरु गरेको बताउनुभयो । उहाँका अनुसार स्थानीय व्यापारी आफैँ पनि खसीबोका खोज्दै गाउँ पस्न सुरु गरेका छन् । केही व्यापारीले गाउँघरमा पुगेर किसानलाई खसीबोकाको मूल्य तोकेर अग्रिम भुक्तानी गरी फर्किने गरेका छन् । त्यसरी पहिले नै पैसा भुक्तानी गरिएको खसीबोका दसैँ सुरु भएपछि बजारमा ल्याएर बेच्ने व्यापारीको तयारी छ । दसैँ आउनुभन्दा केही साताअघि नै खसीबोका किनेर राख्नेहरू भने अहिलेदेखि नै बजार आउन थालेका व्यापारीको भनाइ छ । आर्थिक मन्दीका कारण गत वर्ष किसानले...

जुम्ला | जुम्लाको सिञ्जा गाउँपालिकाकामा ९६ दशमलव दुई प्रतिशत जनता साक्षर भएका छन्। पालिकामा बसोबास गर्ने अधिकांश जनता साक्षर भएसँगै शिक्षा दिवसका अवसरमा पालिकालाई साक्षर घोषणा गरिएको छ। साक्षरताका १२ वटा सूचकमध्ये हस्ताक्षर गर्न सक्ने, मोबाइल चलाउन सक्ने, समय हेर्न र भन्न सक्ने, सामान्य लेखपढ गर्न सक्ने, एकदेखि १० सम्म अंक भन्न र सामाजिक भावना व्यक्त गर्न सक्ने भएकाले साक्षर गाउँपालिका घोषणा गरिएको गाउँपालिका शिक्षा युवा तथा खेलकुद शाखा प्रमुख शंकर धितालले बताए। बाह्रवटा सूचकमध्ये बाँकी छवटा सूचक पूरा गर्न विद्यार्थी र विद्यालय परिचालन गरिएको छ । मूल्यांकन गर्दा सैद्धान्तिक ५० र प्रयोगात्मक ५० प्रतिशत मानिएको छ। पच्चीस प्रतिशत परियोजना कार्यमध्येबाट विद्यार्थीले अभिभावकलाई साक्षर बनाउने र एकअर्कालाई सिकाउने रणनीति गाउँपालिकाले लिएको गाउँपालिका अध्यक्ष पूर्णप्रसाद धितालले बताए।...

चितवन। स्थायी समाधान हुन नसक्दा मुग्लिङ–नारायणगढ सडकखण्डको नौ किलोमा सडक भासिने गरेको छ ।  यो सडक सञ्चालनमा आएदेखि विभिन्न स्थानमा सडक भासिने र त्यसलाई पुरेर अस्थायी उपायबाट सञ्चालन हुँदै आएको छ । केही वर्षअगाडि यो सडकखण्ड फराकिलो बनाउने कार्य सम्पन्न भएपछि नौ किलो र १७ किलोमा सडक भासिने समस्या हरेक वर्ष आएको थियो । दुई वर्षअगाडि १७ किलोमा मर्मत गरेपछि अहिले समस्या आएको छैन डिभिजन सडक कार्यालय भरतपुरका इन्जिनियर सागर कार्कीले बताउनुभयो । यही सडकखण्डको नौ किलोमा भने समस्या समाधान हुन सकेको छैन । आइतबार राति सडक भासिएपछि यातायात एकतर्फी मात्रै सञ्चालनमा आएको थियो । सोमबार दिउँसो सामान्य मर्मत गरेपछि दुईतर्फी सवारीसाधन सञ्चालनमा आएको छ । अहिले यातायात सञ्चालनमा आए पनि कुन समयमा फेरि सडक भासिन्छ, त्यो थाहा नहुने डिभिजन सडक कार्यालय भरतपुरका सूचना अधिकारी चन्द्रेश्वर साहले बताउनुभयो । सडक...

लुम्बिनी | लुम्बिनी प्रदेशका मुख्यमन्त्री चेतनारायण आचार्यले संविधानको मर्मअनुसार लुम्बिनी प्रदेश सरकारले काम गरिरहेको बताएका छन्। संविधान दिवसका अवसरमा आज शुभकामना दिँदै उनले सङ्घीयताको मर्मअनुरुप प्रदेश सरकारले आफ्ना कामलाई जनमुखी बनाउँदै गएको, सुशासन, सामाजिक न्याय र जनकेन्द्रित विकासको माध्यमबाट ‘समृद्ध लुम्बिनी प्रदेश’ निर्माणमा प्रतिबद्ध रहेको बताए। मुख्यमन्त्री आचार्यले सबै प्रकारका विभेद र उत्पीडनको संस्थागत रुपमा संविधानले अन्त्य गरेको, बहुलबाद, बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधतायुक्त विशेषतालाई आत्मसात् गरेको उल्लेख गरे। उनले संविधानको एकल सूचीका अधिकारलाई कार्यान्वयन गर्दै साझा सूचीका अधिकारलाई समन्वय, सहकार्यको माध्यमबाट अघि बढाउन प्रदेश सरकार तत्पर रहेको बताए। “सेवाप्रवाहको नवीन भूमिकामा प्रदेश संरचना रहेको छ। कानुन निर्माणदेखि कार्यान्वयनक...

बाँके । “हाम्रो गाउँपालिका राजमार्गमा पर्ने भएकाले यहाँ प्रायः सवारी दुर्घटना भइरहन्छन्, पहिले बिरामीलाई अस्पताल लैजानका लागि सवारीसाधन खोज्न निकै आपत् पथ्र्यो तर हाल एम्बुलेन्स सञ्चालनमा आएदेखि सवारीसाधनका लागि भौतारिनु पर्दैन, समयमा नै अस्पताल पुगिन्छ भन्ने विश्वास जागेको छ”, यो भनाइ हो बाँकेको राप्तिसोनारी गाउँपालिका–२ कि मिना वलीको । मीनाले धेरैपटक राजमार्गमा भएका दुर्घटना नजिकबाट देख्नु र सुनेकी छन् । प्रायः रातिको समयमा दुर्घटना हुने हुँदा समयमै उपचार नपाउँदा कतिपयले ज्यान गुमाएको पनि उनको सम्झनामै छ । त्यसैले यहाँका स्थानीयले भरपर्दो एम्बुलेन्स सेवा सञ्चालनका लागि आवाज उठाइरहेका थिए । पछिल्लो समय  यहाँ चौबिसै घण्टा सेवा दिने गरी एम्बुलेन्स सञ्चालनमा आएपछि पहिलेको जस्तो समस्या नहुने उनको विश्वास छ । बाँकेको राप्तिसोनारी गाउँपालिकाले सर्पदंश उपचार केन्द्रका लागि भन्सार तीरेर ल्य...

काठमाडौँ । देशभर मनसुनी वायुको प्रभावसँगै भारतको उत्तरपूर्वी मध्यप्रदेश र दक्षिण उत्तरप्रदेश आसपास रहेको न्यूनचापीय प्रणालीको आंशिक प्रभाव रहेकाले वर्षाको सम्भावना कायमै रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । मनसुनको न्यून चापिय रेखाको पश्चिमतिर सरदर स्थानको उत्तरतर्फ र पूर्वतिर सरदर स्थानको दक्षिणतिर अवस्थित रहेको छ । जसकारण देशको पहाडी भू–भागमा आंशिकदेखि साधारणतया बदली र बाँकी भू–भागमा आंशिक बदलीदेखि मुख्यतया मौसम सफा रहने महाशाखाले पूर्वानुमान गरेको छ । महाशाखाका मौसमविद् सुदर्शन हुमागाईंकानुसार आज मनसुनको सामान्य प्रभाव रहे पनि भोलि शुक्रबार वर्षाको सम्भावना रहेको छ । 'आज उल्लेखनीय वर्षाको सम्भावना छैन, भोलि शुक्रबार कोशी, गण्डकी, लुम्बिनी प्रदेशका केही स्थानमा हल्कादेखि मध्यम वर्षाको सम्भावना रहेको छ', उनले भने । आज काठमाडौँको अधिकतम तापक्रम ३१ डिग्रि...

धनगढी । कैलालीको जिल्ला कारागारभित्रै मंगलबार एक थुनुवाको मृत्यु भएको छ। कारागारभित्रै थुनुवाकाे मृत्यु भएपछि प्रशासनले लापरवाही गरेकाे भन्दै उनका आफन्त आक्राेशित भएका छन्। जिल्ला प्रहरी कार्यालय कैलालीका अनुसार मृत्यु हुनेमा कैलालीकै घोडाघोडी नगरपालिका- ४ का २२ वर्षका दीपक विक रहेका छन्। साेमबार दिउँसो शौचालयमा लडेको अवस्थामा भेटिएका उनलाई उपचारको लागि सेती प्रादेशिक अस्पताल लगिएको थियो। उपचारमा रहेका उनको बेलुका ६ बजेतिर मृत्यु भएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कवीन्द्रसिंह बोहराले जानकारी दिए। उनकाे मृत्यु के कसरी भयाे? भन्नेबारे अनुसन्धान भइरहेको बाेहराले बताए। यता, कारागारको लापरवाहीका कारण आफ्नो भाइले ज्यान गुमाएको दीपकका दाइ नेत्रकाे आराेप छ। केही समय पहिले बहिनी नातापर्ने नाबालिगलाई दीपकले विवाह गरेर भारतको बेंग्लोर लगेका थिए। दीपककै आफन्तले उ...

काठमाडौं । आईसीसी विश्वकप लिग–२ प्रतियोगितामा नेपाल फेरि ओमनसँग हारेको छ । गएराति सम्पन्न खेलमा नेपाल ओमानसँग एक विकेटले पराजित भएको हो । नेपालले दिएको २२१ रनको लक्ष्य ओमानले ४९.५ ओभरमा ९ विकेट गुमाउँदै पूरा गरेको हो । ओमानलाई अन्तिम ६ बलमा जितको लागि ८ रन चाहिँएको थियो । ओमानका लागि अन्तिमसम्म खेलेका सकिल अहमद १७ र कलिमुल्लाह ६ रनमा नट आउट रहे ।  ओमानका जतिन्दर सिंहले ४९ बलमा ३ चौका र १ छक्कासहित सर्वाधिक ४१ रन बनाए । कश्याप प्रजापतिले ५२ बलमा ४ चौकासहित ३६ रनको योगदान दिए । नेपालका लागि गुलसन झा एक्लैले पाँच विकेट लिए । त्यस्तै करण केसीले दुई तथा सन्दीप लामिछाने र आरिफ शेखले एक/एक विकेट लिए । त्यसअघि टस हारेर पहिले ब्याटिङको निम्तो पाएको नेपालले निर्धारित ५० ओभरमा ९ विकेट गुमाएर २२० रन बनाएको थियो । नेपालका लागि कप्तान रोहित पौडेलले ७२ बलमा २ चौका र ४ छक्कासहित सर्वाधिक ६० रनको इनिङ ख...