ताजा अपडेट

चितवन, रत्ननगर–१, निपनीस्थित ज्ञानसुधा टेक्निकल (जिएसटी) कलेजले सुदूरपश्चिम विश्वविद्यालयसँग सम्बन्धन प्राप्त चार वर्षीय बिबिए कार्यक्रम सुरु गरेको छ। दुई सेक्सनमा ६६ सिटको कोटा रहेको यस कार्यक्रमको शुल्क ६ लाख ७५ हजार रुपैयाँ तोकिएको छ। पहिलो २० जना जेहेनदार, द्वन्द्वपीडित र विपन्न विद्यार्थीलाई विशेष छात्रवृत्ति दिइनेछ। कलेजले मेहनती विद्यार्थीका लागि एक करोड रुपैयाँ बराबरको छात्रवृत्ति घोषणा गरेको छ। यही साउन २९ गते ‘लन्चप्याड सेलिब्रेटिङ सक्सेस, चार्टिङ फ्युचर’ कार्यक्रम पनि आयोजना गरिनेछ।    ...

आजदेखि भुटानको थिम्पुमा सुरु हुने एएफसी यू–२० महिला एसियन कप छनोटमा नेपालले घरेलु टोली भुटानसँग प्रतिस्पर्धा गर्दैछ। खेल साँझ ५:४५ बजे सुरु हुनेछ। मुख्य प्रशिक्षक याम प्रसाद गुरुङले प्रतियोगिता फरक प्रकृतिको भएको बताउँदै भुटानलाई कमजोर नठान्ने बताएका छन्। साफ यू–२० च्याम्पियनसिपमा नेपालले भुटानलाई ६–१ र ८–० ले पराजित गरेको थियो।  ...

कोशी प्रदेशमा तीन वर्षपछि फेरि लम्पी स्किन रोगको प्रकोप देखा परेको छ। कोशी प्रदेश पशुपन्छी तथा मत्स्य विकास निर्देशनालयका अनुसार हालसम्म २२,१२२ पशु प्रभावित छन् भने ६३७ वटा पशुचौपायाको मृत्यु भइसकेको छ। सबैभन्दा बढी प्रभावित जिल्ला झापा हो, जहाँ ४१० पशु मरेका छन् र १४,६९२ बिरामी छन्। मोरङ, इलाम र सुनसरी पनि बढी प्रभावित छन्। संखुवासभा, ओखलढुंगा र सोलुखुम्बुमा हालसम्म रोग देखिएको छैन। २०७९ फागुनदेखि ०८० साउनसम्मको प्रकोपमा ९,४२१ पशु मरेका थिए। त्यसपछि २०८०/८१ मा संघ, प्रदेश र स्थानीय सरकारहरूले खोप अभियान चलाएपछि समस्या थामिएको थियो। तर, यसवर्ष नियमित खोप कार्यक्रम नहुनु, रोगलाई राष्ट्रिय खोप कार्यक्रममा नसमेटिनु र खोप अभावले पुनः प्रकोप देखिएको विज्ञहरूको भनाइ छ। वरिष्ठ पशु विकास अधिकृत डा. गंगाराम यादवका अनुसार कम्तीमा ८–१० लाख डोज खोप आवश्यक भए पनि मात्र ४ लाख डोज उपलब्ध भएको छ। सरकार २४...