१
Advertisement
चितवन । नेपाली कांग्रेसका नेता तथा चितवन क्षेत्र नं. ६ का प्रतिनिधि सभा सदस्य राजेन्द्रकुमार बर्तौंलाले आफ्नो लामो राजनीतिक यात्राको औपचारिक अन्त्यको घोषणा गरेका छन्। आइतबार प्रेस विज्ञप्ति जारी गर्दै उनले नेपाली कांग्रेससँगको आफ्नो राजनीतिक यात्रा समाप्त भएको जानकारी दिएका हुन्।
बर्तौंलाले कांग्रेससँगको आफ्नो सम्बन्धलाई केवल राजनीतिक मात्र नभई जीवन मूल्य र चेतनासँग जोडिएको बताउँदै यो पार्टीले आफूलाई संघर्ष, सेवा र लोकतान्त्रिक मूल्यप्रति समर्पित रहन प्रेरणा दिएको उल्लेख गरेका छन्।
विज्ञप्तिमा उनले नेपाली कांग्रेसले दिएको अवसर, विश्वास र साथप्रति आभार व्यक्त गर्दै स्थानीय, प्रादेशिक र राष्ट्रिय स्तरमा पाएको जिम्मेवारीप्रति कृतज्ञता प्रकट गरेका छन्।
“आज म औपचारिक रूपमा नेपाली कांग्रेसको राजनीतिक यात्राबाट अलग हुने निर्णय गरेको छु,” उनले विज्ञप्तिमा भनेका छन्, “तर, नेपाली कांग्रेसका महाधिवेशन प्रतिनिधि लगायत सबै जिम्मेवारी र सदस्यताबाट पनि आजकै मितिदेखि राजीनामा दिएको छु।”
उनले अब नयाँ जीवनको अध्याय आरम्भ गर्ने तयारी गर्दै आगामी दिनमा समाजसेवा, मूल्य र नैतिकताप्रति आफू प्रतिबद्ध रहने बताएका छन्। कांग्रेससँगको आफ्नो सम्पूर्ण यात्रा गौरव र कृतज्ञताको रूपमा रहेको उल्लेख गर्दै उनले पार्टी र नेता–कार्यकर्ताप्रति सदैव सम्मान, आभार र शुभेच्छा मात्र रहने स्पष्ट पारेका छन्।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
