चितवनको जिएसटी कलेजमा चार वर्षीय बिबिए कार्यक्रम सुरु, १ करोड बराबरको छात्रवृत्ति घोषणा

चितवन, रत्ननगर–१, निपनीस्थित ज्ञानसुधा टेक्निकल (जिएसटी) कलेजले सुदूरपश्चिम विश्वविद्यालयसँग सम्बन्धन प्राप्त चार वर्षीय बिबिए कार्यक्रम सुरु गरेको छ। दुई सेक्सनमा ६६ सिटको कोटा रहेको यस कार्यक्रमको शुल्क ६ लाख ७५ हजार रुपैयाँ तोकिएको छ। पहिलो २० जना जेहेनदार, द्वन्द्वपीडित र विपन्न विद्यार्थीलाई विशेष छात्रवृत्ति दिइनेछ। कलेजले मेहनती विद्यार्थीका लागि एक करोड रुपैयाँ बराबरको छात्रवृत्ति घोषणा गरेको छ। यही साउन २९ गते ‘लन्चप्याड सेलिब्रेटिङ सक्सेस, चार्टिङ फ्युचर’ कार्यक्रम पनि आयोजना गरिनेछ।