प्रदेशमन्त्रीद्वारा फोहोर प्रशोधन उद्योगको निरीक्षण

रत्ननगर । बागमती प्रदेशका कृषि तथा पशुपंछी विकास मन्त्री प्रकास श्रेष्ठले सफा उर्जा उत्पादन प्रा.लि. चितवनमा सञ्चालन गरेको फोहोर प्रशोधन उद्योगको स्थलगत अबलोकन तथा निरीक्षण गरेका छन् । खैरहनी वडा नं ४ चैनपुरमा अबस्थित उद्योगको मन्त्री श्रेष्ठ सहित उद्योग बाणिज्य संघ मकवानपुरको अध्यक्ष प्रमोद सिंह रानाभाट र उपाध्यक्ष उज्वल चौलागाईँले समेत प्रशोधन उद्योगको अबलोकन गरेका हुन । सफा उर्जाका निर्देशक निर्णय पौडेलले मन्त्री श्रेष्ठ र व्यवसायीहरुलाई उद्योगमा स्वागत गरेका थिए भने सफा उर्जाका प्रतिनिधि योगेन्द्र सिंह केसीले सफा उर्जाले फोहोर संकलन, प्रशोधन, प्राङ्गारिक मल उत्पादन र वाताबरण संरक्षणमा गरेका कामहरुको विषयमा मन्त्री तथा व्यवसायीलाई जानकारी गराएका थिए । उद्योगको अनुगमन र निरीक्षणपछि मन्त्री श्रेष्ठले निजी क्षेत्रबाट फोहोर दीगो व्यवस्थापनको लागि चितवनमा सुरु गरिएको कामको प्रशंसा गर्दै प्रदेश सरकारले सहयोग गर्ने प्रतिबद्धता जनाएका छन् । यो देशकै ठुलो र नमुना फोहोर प्रशोधन उद्योग रहेको आफुले अनुमान गरेको भन्दै उनले युवाहरुलाई देशमै रोजगारी र्सिजना गर्न सफा उर्जाले खेलेको भूमिकको प्रशंसा गरेका हुन । फोहोर प्रशोधन र रोजगारी र्सिजना गर्ने उद्योगहरुलाई तीनै तहको सरकारले प्रोत्सहान गर्नुपर्ने उनको भनाई छ ।