१
Advertisement
न्युज एजेन्सी नेपाल, काठमाडौँ । सहिद स्मारक ‘ए’ डिभिजन क्लबहरूले अखिल नेपाल फुटबल संघ (एन्फा) ले लिग आयोजना गरेमा खेल्न तयार रहेको बताएका छन्। एन्फाले आगामी पुस ९ देखि लिग सुरु गर्ने तयारी गरिरहेको छ र क्लबहरूसँग छलफल थालेको छ। सोमबार सातदोबाटोस्थित एन्फा कम्प्लेक्समा भएको छलफलमा हिमालयन शेर्पा क्लबका अध्यक्ष कर्माछिरिङ शेर्पाले लिग भए सहभागी हुने बताए।
उनले लिग हुने/नहुने कुरा एन्फाको हातमा रहेको र मिति तय गर्नुअघि स्टेडियमको व्यवस्था पक्का गर्नुपर्ने बताए। स्टेडियम निश्चित नभए लिग नहुन सक्ने उनको भनाइ छ। शेर्पाले एन्फाको छलफलमा सहभागी भएको र लिग नखेल्ने कुरा नभनेको प्रष्ट पारे। उनले पारदर्शी रूपमा क्लब लाइसेन्स दिएर लिग गर्न सुझाए। होम र अवे मैदान कानुनी रूपमा उपलब्ध भए सोही ढाँचामा खेल्न तयार रहेको उनले बताए।
बङ्गलादेशमा लिग खेल्न गएका खेलाडीलाई नराम्रो नमान्न र नियमित लिग भए खेलाडी पलायन रोकिने उनको विचार छ। गत भदौ २३ मा एन्फाले यु–१६ लिगबारे छलफल गर्न बोलाएको थियो। तर, अध्यक्ष पंकजविक्रम नेम्वाङ र महासचिव किरण राई उपस्थित थिएनन्, सहायक महासचिव र सिइओसँग मात्र छलफल भयो।
एन्फाले अव्यवस्थित रूपमा लिग स्थगितको सन्देश पठाएको र औपचारिक पत्र नदिएकोमा शेर्पाले गुनासो गरे। गत वर्षको यु–१६, यु–१८ र ‘ए’ डिभिजन लिगको बजेट नपाएको र दसैँअघि रकम दिन शेर्पाले आग्रह गरे।
एन्फाले होम र अवे ढाँचामा लिग गर्ने छलफल अघि बढाएको छ, तर क्लबहरूले ठोस योजना नभए यो उपयुक्त नहुने बताए। एन्फाले लिगको ढाँचा, मार्केटिङ र व्यवस्थापनबारे प्रस्ताव ल्याएको छ। पछिल्लो शीर्ष लिग २०७९/८० मा भएको थियो, जसमा चर्च ब्वाइजले जितेको थियो। त्यसयता एन्फा लिग गर्न असफल छ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
