१
Advertisement
काठमाडौं — नेपालको अग्रणी इन्टरनेट सेवा प्रदायक सुबिसु लिमिटेड र APAC IPv6 Council बीच ऐतिहासिक सहकार्य सम्झौता (MoU) सम्पन्न भएको छ। काठमाडौंस्थित होटल याक एण्ड यतिमा आयोजित चौथो APAC IPv6 Council बैठकको अवसरमा उक्त सम्झौतामा हस्ताक्षर गरिएको हो।
सम्झौतामा सुबिसुका CEO विनय मोहन श्रेष्ठ र APAC IPv6 Council का अध्यक्ष प्रो. डा. सुमित्रा रामदासले हस्ताक्षर गरेका हुन्। यो सहकार्यले नेपालको डिजिटल पूर्वाधार विकासमा नयाँ अध्याय थप्ने अपेक्षा गरिएको छ।
सम्झौता अनुसार दुई संस्थाबीच प्राविधिक ज्ञान आदान–प्रदान, संयुक्त प्रकाशन, विशेषज्ञ सहयोग तथा प्रवर्द्धनका कार्यक्रम सञ्चालन गरिनेछ। साथै, सुबिसुले APAC IPv6 Council मा संस्थागत सदस्यको रूपमा सहभागिता जनाउने अवसर पनि प्राप्त गरेको छ।
सुबिसुका CEO श्रेष्ठले यस सहकार्यले नेपाललाई एशिया–प्रशान्त क्षेत्रको प्रविधि नक्सामा थप मजबुत बनाउने विश्वास व्यक्त गरे।
APAC IPv6 Council, IPv6 Forum को एशिया–प्रशान्त शाखा हो, जसले यस क्षेत्रमा IPv6 प्रवर्द्धन, विकास र विस्तारका लागि काम गर्दै आएको छ।
यो सम्झौता ‘डिजिटल नेपाल’ अभियानलाई टेवा पुर्याउने, इन्टरनेट पूर्वाधारलाई विश्वस्तरमा प्रतिस्पर्धी बनाउने तथा IoT र क्लाउड कम्प्युटिङ जस्ता क्षेत्रमा नेपाललाई अगाडि बढाउन सहयोगी हुने विश्वास लिइएको छ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
