१
पुजन लामिछाने | भरतपुर, श्रावण १४ – रोट्र्याक्ट क्लब अफ भरतपुर हाइटले आफ्नो सातौं स्थापना दिवसको अवसरमा सामाजिक उत्तरदायित्व निर्वाह गर्दै विशेष खाना खुवाउने कार्यक्रम सम्पन्न गरेको छ। क्लबकी वर्तमान अध्यक्ष अस्मि न्यौपानेको अध्यक्षतामा आयोजित उक्त कार्यक्रम मानवसेवा आश्रम, भरतपुर–९ मा सम्पन्न भएको हो।
“फेलोसिप थ्रु सर्भिस” भन्ने नारासँग परिचित रोट्र्याक्ट एक अन्तर्राष्ट्रिय युवा संगठन हो, जसले युवाहरूलाई नेतृत्व, सामाजिक सेवा र व्यावसायिक विकासको अवसर प्रदान गर्दछ। रोटरी इन्टरनेशनलको युवा शाखा मानिने रोट्र्याक्ट क्लबले समाजमा सकारात्मक परिवर्तन ल्याउने उद्देश्यले विविध गतिविधिहरू गर्दै आएको छ।
सन् २०१९ जुलाई ३० मा स्थापना भएको रोट्र्याक्ट क्लब अफ भरतपुर हाइटले विगत सात वर्षदेखि शिक्षा, स्वास्थ्य, वातावरण संरक्षण लगायतका क्षेत्रमा विभिन्न सामाजिक कार्य गर्दै आएको छ। यही सिलसिलामा, स्थापना दिवसको स्मृतिमा आयोजित यस कार्यक्रममा मानवसेवा आश्रममा आश्रित बृद्धबृद्धा तथा असहाय व्यक्तिहरूलाई स्वादिष्ट खाना वितरण गरियो।
क्लबका बोर्ड सदस्यहरू, क्लब सदस्यहरू, साथै अन्य रोट्र्याक्ट क्लबका सदस्यहरूको समेत उपस्थिति कार्यक्रममा देखिएको थियो।
कार्यक्रमको अन्त्यमा क्लबले केक काट्दै मित्रता र सहकार्यको वातावरणमा फेलोसिप गरेको थियो, जसले कार्यक्रमलाई अझै आत्मीय बनाएको थियो।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
