१
चितवन, साउन १४ — धादिङ त्रिपुरा सुन्दरी गाउँपालिका–०३ मा जन्मिएकी र हाल चितवनको टाडीमा बसोबास गर्दै आएकी ९ वर्षीया बाल गायिका दिलिजा रुवाली अन्तर्राष्ट्रिय गायन रियालिटी शो दि भ्वाइस अफ किड्स सिजन ४ मा उत्कृष्ट प्रदर्शन गर्दै सेमिफाइनल सम्म आइपुगेकी छिन्।
सानै उमेरदेखि संगीतमा रुचि राख्ने दिलिजाले आफ्नो सुमधुर स्वर, भावनात्मक प्रस्तुती र मञ्चमा आत्मविश्वासपूर्ण उपस्थितिका कारण निर्णायकसहित हजारौं दर्शकको मन जितेकी छिन्। उनको गायनमा प्राविधिक क्षमता र गहिरो संवेदनशीलता देखिएको छ, जसले उनलाई प्रतियोगितामा शक्तिशाली प्रतिस्पर्धीको रूपमा उभ्याएको छ।
प्रतियोगिता अब निर्णायक चरणमा पुगेको हुँदा दिलिजालाई फाइनलसम्म पुर्याउन भोटिङ आवश्यक रहेको आयोजकले जनाएका छन्। देश–विदेशमा रहेका नेपालीहरूलाई दैनिक रूपमा भोट गरेर साथ दिन आग्रह गरिएको छ।
भोट कसरी गर्ने?
Khalti App खोल्नुहोस्
“Voting” सेसनमा जानुहोस्
“The Voice of Kids” छान्नुहोस्
दिलिजा रुवालीलाई रोजी आवश्यक भोट पठाउनुहोस्
दैनिक रूपमा भोट गर्न सकिने व्यवस्था छ ।नेपालको सांगीतिक भविष्यको प्रतिनिधित्व गरिरहेकी दिलिजालाई जित दिलाउन सामूहिक सहयोग आवश्यक भएको भन्दै उनको परिवार, समर्थक तथा संगीतप्रेमीहरूले एकजुट भई भोट गर्न आह्वान गरेका छन्।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
