१
Advertisement
रत्ननगर, साउन १ । पूर्वी चितवनको रत्ननगर–९ प्रगतिटोल स्थित श्री सिद्धेश्वर महादेव मन्दिरमा श्रीमद्भागवत महापुराण सप्ताह ज्ञान महायज्ञ गरिने भएको छ ।
श्री सिद्धेश्वर महादेव मन्दिर व्यवस्थापन समितिको आयोजनामा मन्दिर परिसरमा द्वादश ज्योर्तिलिङ्ग, १०८ शिवलिङ्ग स्थापना एवम् धर्मशाला सत्तल, भौतिक पूर्वाधार विकास निर्माण सहयोगार्थ यही साउन ४ गतेदेखि १३ गतेसम्म श्रीमद्भागवत महापुराण सप्ताह ज्ञान महायज्ञ गर्न लागिएको मन्दिर व्यवस्थापन समितिका अध्यक्ष रामकृष्ण महतोले जानकारी दिए ।
महायज्ञमा समाजसेवी पण्डित दिपक प्रसाद पौडेलको मुखार विन्दबाट संगीतमय श्रीमद्भागवत महापुराण सप्ताह ज्ञान महायज्ञ, शिव महापुराण, कथा प्रवचन, श्रवण मेला बोलबम उत्सव–२०८२ सञ्चालन हुने उनले बताए ।
रत्ननगरको उजागरका लागि विभिन्न समयमा महायज्ञ सञ्चालन गरिएको भन्दै मन्दिर समितिका उपाध्यक्ष तथा कार्यक्रम उप संयोजक रामु पौडेलले बिशेष अनुष्ठानका माध्यम मार्फत् ज्ञानको उजागरका लागि सप्ताह ज्ञान महायज्ञ सञ्चालन गर्न लागिएको जानकारी दिए ।
समाजमा पछिल्लो समय आचरण बिग्रिएको अवस्थामा सकरात्मक सोंचको विकासका लागि महायज्ञले सहयोग पु¥याउने उनको भनाईछ ।
कार्यक्रमका प्रमुख अतिथि वडा नं. ९ का वडा अध्यक्ष अनन्त अधिकारीले वडामा पहिलोपटक महायज्ञ गर्न लागेकोमा खुसि व्यक्त गरे । मन्दिर संरक्षणका लागि वडाको बजेटबाट केही रकम विनियोजित गरेको बताए । रत्ननगरको प्रचारप्रसारमा सहयोग गरी धार्मिक पर्यटन वृद्धिमा सहयोग पुर्याउन वडा अध्यक्ष अधिकारीले सबैलाई आग्रह गर्नुभयो ।
कार्यक्रम सञ्चालन मन्दिर व्यवस्थापनि समितिका सचिव ठगना महताले गरेका थिए ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
