१
Advertisement
रत्ननगर । किशोरकिशोरी अवस्थामा लागूपदार्थ दुर्व्यसनको असर र नियन्त्रणमा अभिभावकको दायित्वसम्बन्धी सचेतना कार्यक्रम रत्ननगर–९ मा सम्पन्न भएको छ ।
लागूऔषध प्रयोगकर्ता बढिरहेको बेला रत्ननगर–९ स्थित कपरफोरी माविमा अध्ययनरत विद्यार्थीका अभिभावकहरुका लागि लागूऔषध दुर्व्यसनीसम्बन्धी सचेतना कार्यक्रम सञ्चालन गरिएको वडा सचिव सूर्यप्रसाद ढुङ्गानाले बताए ।
वडा कार्यालयको आयोजना र इलाका प्रहरी कार्यालयको विशेष सहयोगमा भएको कार्यक्रमका प्रशिक्षकले लागूऔषध दुव्र्यसन र यसका असर, समाजमा पार्न सक्ने नकारात्मक प्रभावका बारेमा प्रहरी वरिष्ठ नायब निरीक्षक गोविन्द परियारले प्रशिक्षण दिएका थिए ।
कार्यक्रममा बोल्दै वडाध्यक्ष अनन्त अधिकारीले समाजमा दिन प्रतिदिन लागूऔषध प्रयोग गर्नेको संख्या बढ्दै गएकोले अभिभावक र युवा पुस्ताले नै सचेत गराएर मात्र यसलाई निर्मूल पार्न सकिने बताए ।
कार्यक्रममा अभिभावकहरुको उत्साहपूर्ण उपस्थिति रहेको थियो । उनीहरूले लागूऔषध दुर्व्यसनमा आफू नफस्ने र आफ्ना छोराछोरीलाई पनि फस्न नदिने प्रतिबद्धता गरेका थिए ।
कार्यक्रम वडा सदस्य कमानसिंह चौधरी, कपरफोरी माविका प्रधानाध्यापक डा. विष्णु कट्टेल, बालुवाटार विपद् व्यवस्थापन समितिका अध्यक्ष रामचन्द्र पौडेललगायतको उपस्थिति रहेको थियो ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
