१
Advertisement
“बालबालिकामा लगानी : सुनिश्चित भविष्यको थालनी” भन्ने नाराका साथ मंगलबार रत्ननगर–९ स्थित मोहना माविका ७० जना विद्यार्थीलाई बालअधिकार एवम् बालमैत्री दिगोपनासम्बन्धी प्रशिक्षण दिइएको महिला, बालबालिका तथा ज्येष्ठ नागरिक शाखा प्रमुख दीपा घिमिरेले बताइन् ।
बालबालिका सानै उमेरमा कुलतमा फस्ने, डिप्रेसनमा जाने र नकारात्मक सोच बढी हुने भेटिएकोले विद्यालयमै पुगेर मनोसामाजिक परामर्श र बालअधिकारबारे सचेतना फैलाउन सो कार्यक्रम सञ्चालन गरिएको प्रमुख घिमिरेले बताइन् ।
बढ्दो आधुनिकतासँगै प्रविधिको विकासले सानै उमेरमा कुलतमा फस्ने, नकारात्मक सोच पैदा भई विभिन्न घटना घट्नेक्रम बढिरहेको समयमा सञ्चालन गरिएको बालअधिकार र मनोसमाजिक परामर्शले जीवन परिवर्तनमा ठूलो भूमिका खेल्ने विद्यालयका प्रधानाध्यापक दयाराम ढकालले बताए । नगरसँग समन्वय गरेर समय–समयमा यस्ता खाले कार्यक्रम सञ्चालनलाई निरन्तरता दिइने ढकालले बताए ।
कार्यक्रमकी प्रमुखअतिथि वडा सदस्य सुष्मा खड्काथोकीले विद्यार्थी भाइबहिनीहरुले मोबाइलमा गेम र नचाहिने कुराभन्दा जीवन उपयोगी ज्ञानका कुराहरु खोज्ने र हेर्ने गर्नुपर्ने बताइन् ।
उनले विद्यार्थीको धन भनेकै अनुशासन भएको बताउँदै गुरुहरु र बुबाआमाले भनेको मान्नुपर्नेमा जोड दिइन् । उनले नगरपालिका र वडाबाट बालबालिकालक्षित विभिन्न कार्यक्रम सञ्चालन गरिरहेकोसमेत बताइन् ।
कार्यक्रममा सहायक महिला विकास अधिकृत नानीमाया पौडेल, कपरखोरी माविका प्रधानाध्यापक डा. विष्णु कट्टेल, नेपाल रेडक्रस सोसाइटीमा मनोसामाजिक परामर्शकर्ता प्रदीप सुवेदी लगायतको उपस्थिति रहेको थियो ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
