१
रत्ननगर, चितवन – रत्ननगर नगरपालिकाको आयोजनामा “दिगो तथा सम्मानित रोजगारीका लागि सिप परियोजना (दोस्रो चरण)” अन्तर्गत पेशागत कम्प्युटर हार्डवेयर नेटवर्क टेक्निसियन तालिमको उद्घाटन रत्ननगर वडा नं. १ मा सम्पन्न भएको छ। १० महिना अवधिको यो तालिम नेपाल उद्यमी विकास परामर्श केन्द्र प्रा. लि. द्वारा सञ्चालन हुनेछ।
उक्त तालिमका लागि ४० जनाको आवेदनबाट परिक्षामार्फत २० जना प्रशिक्षार्थी छनोट गरिएको छ। तालिम निःशुल्क हुनुका साथै प्रशिक्षार्थीहरूलाई खाजाको व्यवस्था समेत गरिएको छ। तालिमको प्रशिक्षक विश्व खनाल रहनुभएको छ।
उद्घाटन समारोहमा प्रमुख अतिथि रत्ननगरका कार्यवाहक नगर प्रमुख यादव प्रसाद पाठकले तालिमले युवाहरूलाई प्राविधिक सीप प्रदान गरी रोजगारीका अवसर सिर्जना गर्ने बताउनुभयो। विशिष्ट अतिथि रत्ननगर नगर शिक्षा अधिकारी नारायण प्रसाद वाग्लेले सीपमूलक तालिमले स्थानीय स्तरमा दिगो विकासमा योगदान पुर्याउने उल्लेख गर्नुभयो।
कार्यक्रममा तालिम प्रदायक संस्थाका प्रमुख रविन्द्र श्रेष्ठ र क्यान चितवनका प्रतिनिधि रुपक नेपालले तालिमको महत्व र प्राविधिक क्षेत्रमा यसको योगदानबारे प्रकाश पार्नुभयो। यो तालिमले प्रशिक्षार्थीहरूलाई कम्प्युटर हार्डवेयर र नेटवर्किङको क्षेत्रमा दक्ष बनाउने लक्ष्य राखिएको छ।
यो परियोजनाले रत्ननगरका युवाहरूलाई आत्मनिर्भर बनाउँदै सम्मानित रोजगारीको अवसर प्रदान गर्ने अपेक्षा गरिएको छ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
