सुशान्तसँगको प्रेम चर्चाबारे आना हो कि होइन

अभिनेत्री आना शर्मा यतिबेला चर्चाको केन्द्रमा छिन् । प्रदर्शन तयारीमा रहेको फिल्म ‘एक्टर टेक वन’ले पनि उनलाई चर्चामा ल्याएको छ । यो चर्चाबीच उनको प्रेम सम्बन्धको चर्चा पनि चुलिएको छ ।
फिल्म प्रचारमा उनी जहाँ पुग्छिन्, त्यहाँ उनलाई गायक सुशान्त केसीसँगको प्रेम सम्बन्धबारे प्रश्न सोधिन्छ । उनले यसलाई स्वीकार वा अस्वीकार दुबै नगरेको अवस्था छ । सुशान्तलाई पनि गतसाता आयोजित कन्सर्टको प्रेसमिटमा आनासँगको प्रेमबारे सोधिएको थियो । उनले कुरालाई अन्तै मोडेर टार्ने प्रयास गरे ।