१
काठमाडौं । बलिउड अभिनेत्री उर्वसी रौटेलाले शोईस टपरको रुपमा क्याटवाक गर्ने ‘ग्ल्याम नेपाल इन्टरनेशनल २०२४’का लागि ३० मोडल छनौट भएका छन् । काठमाडौंको एक होटलमा गरिएको अडिसनमा २०० जना भन्दा बाढी मोडलबाट ६ पुरुष र २४ महिलासहित ३० मोडल चयन भएका हुन् । यो प्रतियोगिताको लागि मोफसलबाट पनि अडिसन दिन काठमाडौं आएका थिए । चयन भएकाहरुलाई प्रशिक्षण दिन थालिएको छ ।
यस अघि सफल रुपमा तीन सिजनसम्पन्न भैसकेको ‘ग्ल्याम नेपाल इन्टरनेशनल’को यो चौथो सिजन हो । विगतको भन्दा अझ यसपटकको शोलाई राम्रो बनाउने आयोजक पक्षको दाबी छ ।
आयोजक प्रारम्भ प्रोडक्सनका फाउन्डर निर्देशक पवन आचार्यले यो प्रतियोगिताको विजेताले अष्टे«लियामा आयोजना हुने अन्तराष्ट्रिय फेशन शोमा नेपालका प्रतिनिधित्व गर्दै भाग लिने पनि जनाएका छन्,‘कलाकार, ब्यवसायी लगायत बिभिन्न ब्यक्तिहरुको सहभागीता रहने शोका उत्कृष्ट मोडल तथा डिजाइनरले अष्ट्रेलियामा हुने ग्ल्याम इन्टरनेशनलमा सहभागीको अवसर प्राप्त गर्नेछन् ।’ यो कार्यक्रमका नेपाली मोडल तथा डिजाईनरलाई अन्तराष्ट्रिय मोडलिङ तथा फेशन शोमा पठाउँदै आएको पनि आचार्यले बताएका छन् ।
मोडल छनौट चरणको निर्णायकमा डा. उदीप श्रेष्ठ (सिइयो संस्थापक हेल्दी च्वाइस एस्थेटिक्स अस्पताल), युवराज श्रेष्ठ (अध्यक्ष प्लाजा समुह), सुस्मा कार्की (संस्थापक केक्षुस्कालोजी)रमिला नेमकुम (संस्थापक कासा), दीपक ज्ञवाली (संस्थापक ग्ल्याम नेपाल इन्टरनेशनल) रहेका थिए ।
आयोजक हेल्दी च्वाइस प्रयोजक रहेको फेसन शो ग्ल्याम नेपाल इन्टरनेशनल २०२४का मोडलहरुलाई १ पुषमा ¥याम्पमा उतार्ने भएको छ । शोमा शोटपरको रुपमा सहभागी हुन बलिउडकी चर्चित अभिनेत्री उर्वशी रौटेला नेपाल आउने पक्का भईसकेको पनि आचार्यले जानकारी गराएका छन् ।
नेपालका उत्कृष्ट डिजाइनरहरुले तयार पारेको आकर्षक र नयाँ फेसनका डिजाइनहरु फेसन शोमा बिभिन्न सिक्वेलमा यो फेशन शोमा प्रस्तुत हुनेछ । फेसन नयाँ र आकर्षक पहिरनको ’boutमा फेसन प्रेमीलाई जानकारी दिने र फेसन डिजाइनरलाई प्रोत्साहन गर्ने उदेश्यले फेसन शो आयोजना गर्न लागिएको पनि आचार्यले राजधानीलाई बताए ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
