१
काठमाडौँ । नेपालको स्थापित म्युजिक ब्यान्ड ‘कन्दरा’ र गायक स्वप्न सुमनले लन्डनमा एकसाथ कार्यक्रम गर्ने भएका छन् । म्युजिक ब्यान्ड ‘कन्दरा’ले आफ्नो यात्राको ३२ औँ वर्षगाँठ पारेर विश्व प्रतिष्ठित कन्सर्ट भेन्यू लन्डन ओटुमा उत्सवको रूपमा कार्यक्रम गर्ने भएको हो ।
आगामी ४ जनवरीमा आयोजना हुने कार्यक्रममा गायक स्वप्न सुमनले पनि साङ्गीतिक प्रस्तुति दिनेछन् । कार्यक्रमको आयोजक मामाघर इन्टरटेनमेन्ट रहेको छ । कार्यक्रममा कोल्याब ब्यान्डको समेत आकर्षक प्रस्तुति रहने आयोजकले जनाएको छ । आफ्नो कालजयी गीत सङ्गीत र अहिले मातृभूमि नेपालको आन्तरिक पर्यटनको संवाहक बनी पहिला घरदेश अनि परदेशको नारासहित विश्व भ्रमणमा निस्केको कन्दराका तिमी पारी, चन्चले कान्छी, लेककी हे माया, हङकङ पोखरा, तगारोमा रुमाल जस्ता अनेकौँ गीत उक्त कार्यक्रममा प्रस्तुत हुनेछन् ।
कन्दराले आत्मसात् गरेको लोक पप धुनहरू आजपर्यान्त लाखौं शुभचिन्तक र दर्शक रोजाइमा छन् । आयोजकले कार्यक्रमको टिकट अनलाइन मार्फत उपलब्ध गराएको छ ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
