हास्य अभिनेता दमन रुपाखेतीलाई मातृशोक

काठमाडौं | लोकप्रिय हास्य अभिनेता तथा निर्देशक दमन रुपाखेतीलाई मातृशोक परेको छ । रुपाखेतीकी ममतामयी माता ज्ञानुमाया रुपाखेतीको बिहीवार दिउँसो उपचारकै क्रममा क्रममा पाटन अस्पतालमा निधन भएको हो । ८३ वर्षीया ज्ञानुमायाका चार जना छोराहरु छन् । दमन रुपाखेती उनका साइँला छोरा हुन् । ज्ञानुमायाकी छोरीको निधन भइसकेको छ भने उनले दुई वर्ष अघिमात्र श्रीमानलाई गुमाएकी थिइन् । बिहीवार उनको पशुपति आर्यघाटमा अन्तिम संस्कार गरिएको छ ।

कलाकार रुपाखेती तथा सम्पूर्ण परिवारमा हार्दिक समवेदना प्रकट गर्दछौं ।