१
काठमाडौँ । अभिनेत्री नीता ढुंगाना निर्मित फिल्म ‘ह्रस्व–दीर्घ’ अहिले चर्चामा छ । भारतीय र नेपाली कलाकारले भरिएको फिल्म आगामी ३० गतेबाट सार्वजनिक प्रदर्शनमा आउँदैछ ।
फिल्मलाई लिएर अभिनेत्री गरिमा शर्मा निकै उत्साहित छन् । ‘लण्डन टु पेरिस’ बाट अभिनयमा डेब्यु गरेकी शर्माको यो दोस्रो फिल्म हो । पहिलो फिल्मबाट सफलता हात पार्न नसकेकी उनले यो फिल्मबाट सफलता मिल्ने आस गरेकी छन् ।
म्युजिक भिडियाको चर्चापछि फिल्म अभिनयमा होमिएकी उनी ‘ह्रस्व–दीर्घ’ की मुख्य कलाकार हुन् । फिल्म प्रदर्शनपछि दर्शकले आफ्नो अभिनयको प्रशंसा गर्ने उनी बताउँछिन् ।
‘ह्रस्व–दीर्घ’ ले मेरो अभिनय करियरलाई नयाँ उचाइ प्रदान गर्नेछ,’ शर्माले भनिन् ‘अब मेरो फिल्मी करियरले पनि रफ्तार लिन्छ ।’ बाग्लुङको बेनीमा जन्मिएर चितवनमा हुर्किएकी गरिमा सानैदेखि अभिनयतिर रुचि राख्थिन् ।
त्यसैले उनी स्कुल कलेजमा नाटक अभिनय गर्थिन् । ‘मिस एसएलसी नेपाल’मा भाग लिएर ‘मिस पर्सनालिटी’ को उपाधि जितेपछि उनले मोडलिङ तथा अभिनय क्षेत्रमा करियर बनाउने निर्णय थिइन् ।
अभिनयको करियर म्युजिक भिडियोबाट रोजेकी उनलाई ‘नबोली–नबोली’ गीतको म्युजिक भिडियोले दर्शकमाझ परिचित गराएको थियो ।
‘ह्रस्व–दीर्घ’ चन्द्र पन्तले निर्देशन गरेका हुन् । निर्माणमा नीतासँग अभिनेता हरिहर अधिकारीले सहकार्य गरेको फिल्ममा नीता ढुंगाना, हरिहर अधिकारी, ब्रह्मानन्दम, ‘पुष्पा’ भिलेन सुनिल बर्मा, अली, कबीर दुहन सिंहसहित सरोज खनाल, रेखा थापा, सञ्चिता लुइँटेल, प्रशान्त ताम्राकार, किरण केसी, रविन्द्र झा, आदर्श मिश्र लगायतको अभिनय छ ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
