Day: २० माघ २०८१, आईतवार

म्याग्दीको बेनीमा रहेको कुमारी सहकारी संस्थाको डेढ अर्ब रुपैयाँ हिनामिनाका आरोपित जिल्ला समन्वय समिति म्याग्दीका प्रमुख राजकुमार थापा पक्राउ परेका छन् । म्याग्दीका प्रहरी प्रमुख भरत श्रेष्ठले थापालाई आज बिहान साढे ५ बजे उनकै निवासबाट पक्राउ गरिएको टेलिफोनमा जानकारी दिए । सहकारी रजिष्ट्रारको कार्यालय पोखराले एक वर्ष अघि गरेको छानविन प्रतिवेदनमा थापाको योजनामा सर्वसाधारणले बचत गरेको डेढ अर्ब रुपैयाँ हिनामिना भएको उल्लेख थियो। थापा सहितको टोलीले सहकारीको रकम निजी विद्यालय, घर जग्गा खरिद कार्यमा लगाएर दुरुपयोग गरेको पाइएको उक्त प्रतिवेदनमा औँल्याइएको थियो। एमालेबाट जिसस प्रमुख निर्वाचित उनी अहिलेसम्म पक्राउ परेका थिएनन् । ०७९ साल माघ २८ गते सहकारीका अध्यक्ष यमबहादुर रोक्का समेतले सहकारी रजिष्ट्रारको कार्यालयमा लिखित निवेदन दिएर कुमारी बहुउद्देश्यीय सहकारीको रकम छानविन गर्न माग गरेका...

नेकपा माओवादी केन्द्रको पदाधिकारी बैठक आज बस्ने भएको छ । बिहान ११ बजे प्रचण्ड निवास खुमलटारमा बैठक बस्ने भएको हो । नेताहरूको जिम्मेवारी हेरफेर, कार्य विभाजन, अवकाश विद्यार्थीहरूको व्यवस्थापन, पूर्व–पश्चिम तथा मध्य पहाडी राजमार्गमा हुने कार्यक्रमको खाका लगायत समसामयिक विषयमा निर्णय हुन सक्ने सचिव देवेन्द्र पौडेलले बताए । यसअघि माघ ८ गते बसेको बैठकले सुदूरपश्चिम, गण्डकी र मधेस प्रदेशको इन्चार्ज फेर्नेबारे छलफल भएको थियो ।...

पछिल्लो समय सामाजिक सञ्जालदेखि मिडियासम्म चर्चामा छिन् गायिका एलिना चौहान । विष्णु सापकोटासँगको सम्बन्ध विच्छेद (डिभोर्स) को तयारीका कारण उनको चर्चा चुलिएको हो । गत शुक्रबार उनले पति विष्णुसँग डिभोर्स माग्दै जिल्ला अदालत काठमाडौँमा सम्बन्ध मुद्दा दायर गरेकी छन् । पहिले प्रेम, त्यसपछि ब्रेकअप । फेरि प्रेमसँगै गत ५ वैशाखमा विवाह गरेकी एलिनाको पछि विष्णुसँग डिभोर्सको हल्ला केही समयदेखि चले पनि आधिकारिक रूपमा बाहिर आएको थिएन । उनले यस विषयमा समय आएपछि बोल्ने बताउँदै आएकी थिइन् । अन्ततः, उनी डिभोर्स माग्दै अदालतसम्म पुगेकी छन् । डिभोर्सको मुद्दामा एलिनाले पतिले मानसिक तनाव दिएको, शङ्का उपशङ्का गरेको, चरित्रमाथि प्रश्न उठाएको लगायत आरोपस लगाएकी छन् । उनले मुद्दामा ‘माना चामल’ र ‘अंश’को दाबी नगर्ने बताएकी छन् ।...