१
Advertisement
काठमाडौं, साउन ५। केही समयअघि सार्वजनिक घोषणा गरिएको नेपाली चलचित्र ‘बाउ भर्सेस छोरा’ हाललाई निर्माण टिमले होल्डमा राखेको छ । यसको सट्टा अब निर्माण टिमले नयाँ चलचित्र ‘होस्टेल अगेन’ निर्माण गर्ने औपचारिक जानकारी दिएको छ ।
सम्मान इन्टरटेन्मेन्ट र एरन कान फिल्म्सको सहकार्यमा निर्माण हुने यस नयाँ चलचित्रको पहिलो पोस्टर सार्वजनिक गरिएको छ । सार्वजनिक पोस्टरमा रगतले लतपतिएको चक्कु, रातो गुलाफ र “Goodbye…” लेखिएको चिठ्ठी देख्न सकिन्छ, जसले प्रेम, रहस्य र थ्रिलरको मिश्रण रहने संकेत गर्छ ।
चलचित्रको कथा तथा निर्देशन सशान कँडेलले गर्दै छन् भने लेखकको रुपमा माधव शर्मा संलग्न छन् । चलचित्रका कार्यकारी निर्माता शंकर कोइराला रहेका छन् । पोस्टरमा उल्लेख गरिएको “Filming Soon…” ले चाँडै छायांकन सुरु हुने जानकारी दिन्छ ।
निर्माता टोलीका अनुसार ‘होस्टेल अगेन’ युवापुस्ताको होस्टेल जीवन, प्रेम, मित्रता र रोचक घटनाक्रमलाई समेट्ने नयाँ धारको नेपाली चलचित्र हुनेछ । यो चलचित्र ‘होस्टेल’ श्रृंखलाको अर्को अध्यायको रूपमा लिइएको छ ।
‘बाउ भर्सेस छोरा’ को प्रतिक्षामा रहेका दर्शकहरूका लागि यो समाचार केही आश्चर्यजनक भए पनि ‘होस्टेल अगेन’ को रहस्यमय पोस्टरले नयाँ उत्साह थपेको छ । अब यो चलचित्रले दर्शकहरूको मन कति जित्छ भन्ने कुराले सबैको ध्यान तानेको छ ।
– पुजन लामिछाने
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
