१
३२ असार, रत्ननगर। चितवनमा रहेर लामो समयदेखि कला क्षेत्रमा क्रियाशील वरिष्ठ सर्जक टिकाराम लामिछानेको नयाँ गीत “पर्वतको कुश्मा” सार्वजनिक गरिएको छ। नेपाली सांगीतिक दुनियाँमा छुट्टै स्थान बनाइसकेका चितवनकै लोकप्रिय गायक कृष्ण अधिकारीको स्वरमा रहेको यस गीतमा गायिका मिना लामाले साथ दिएकी छन्।
गीतमा शब्द तथा संगीत सर्जक स्वयं टिकाराम लामिछानेकै रहेको छ। पर्वत जिल्लाका प्रसिद्ध तथा प्राकृतिक सौन्दर्यले भरिएका स्थलहरूलाई समेटेर तयार पारिएको यस गीतको भिडियो “ह्याप्पी मिडिया” को आधिकारिक युट्युब च्यानलबाट सार्वजनिक गरिएको हो।
भिडियोमा मुख्य कलाकारको रुपमा टिकाराम शर्मा लामिछाने र सन्ध्या आचार्यले अभिनय गरेका छन्। आकर्षक कोरस नृत्य को कोरियोग्राफी अन्जित बोहराले गरेका छन् भने भिडियोलाई छायांकन कृष्ण प्रसाद देवकोटाले गरेका हुन्।
ड्रोन दृश्यहरू, जसले पर्वतको मनमोहक सौन्दर्य झल्काउँछ, पुजन लामिछानेद्वारा खिचिएको हो। भिडियोलाई रामु आचार्यले निर्देशन तथा सम्पादन गरेका छन्।
यस गीतमार्फत पर्वतको प्राकृतिक, सांस्कृतिक र पर्यटकीय आकर्षणलाई सम्पूर्ण देशमा प्रस्तुत गर्ने प्रयास गरिएको छ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
