१
Advertisement
कालिका । सीमान्तकृत महिलाहरूको जीविकोपार्जन तथा आर्थिक सुधार परियोजनाअन्तर्गत करुणा ट्रस्ट युकेको आर्थिक तथा प्राविधिक सहयोग र स्थानीय सरकारको समन्वयमा नेपाल दलित महिला उत्थान संघ (एड्वान)ले कालिका नगरपालिका वडा नं–३नवकिरण टाेलमा सञ्चालन गरेको सात दिने मौसमी, बेमौसमी तरकारी तथा लहरेबाली खेती तालिम शनिबार सम्पन्न भएको छ ।
कार्यक्रमका प्रमुखअतिथि कालिका नगरपालिकाका नगरप्रमुख विनोद रेग्मीले तालिममा सिकेका सीप र ज्ञान व्यवहारमा लागू गर्दै ‘समृद्ध कालिका : सुखी कालिकावासी’को निर्माणमा जुट्न आग्रह गरे ।
उनले एड्वानसँगको सहकार्यमा विभिन्न तालिम प्रदान गर्दै आएको बताउँदै कृषि उत्पादनसँगै आयआर्जनमा लाग्नुपर्नेमा जोड दिए । उनले कृषिकहरुकाे क्षेती कम गर्न र भैपरि आउने घटना बाट जाेगिन विमा गर्न सुझाव दिएका छन । साथै सिचाईकाे समस्या समाधनकाे लागि थपाे सिचाइ प्रविधि अपनाउने उनले बताए ।
यस्तै, वडाध्यक्ष वीरेन्द तामाङले महिला दिदीबहिनीहरु संगठित भएर तालिममा सिकेका ज्ञानलाई व्यवहारमा लागू गर्दै बिषादीरहित कृषि उत्पादन गर्न जोड दिए ।
कृषि विज्ञ शिवराज पौडेल नेतृत्वको प्रशिक्षक टोलीले सहभागीहरुलाई तरकारी खेतीबारे तालिम दिएका थिए ।
नेपाल दलित महिला उत्थान संघ (एड्वान)की अध्यक्ष विन्दु परियारले महिलाहरुको सशक्तीकरणको क्षेत्रमा एड्वानले काम गरिरहेको बताइन् । उनले महिला दिदीबहिनीहरुलाई तालिम सकिएपश्चात् बीउ पुँजीस्वरुप ५० हजार रुपैयाँ प्रदान गरिएको बताइन् । एड्वानले क्षमता अभिवृद्धि, जीविकोपार्जन र वित्तीय साक्षरताको क्षेत्रमा काम गरिरहेको उनले जानकारी दिइन् ।
तालिममा माटो परीक्षण, माटोको अम्लियपन, बिषादीको प्रयोग, बीउ राख्ने र सार्ने समय, मलखादलगायतका विषयमा प्रशिक्षण दिइएको सहजकर्ता कमला पन्थीले जानकारी दिइन् ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
