१
बागमती युथ क्लबमाथि संघर्षपूर्ण जित निकाल्दै विभागीय टोली नेपाल पुलिस क्लब एन्फा महिला लिगअन्तर्गत फाइनल राउन्डको शीर्ष स्थानमा उक्लिएको छ।
सातदोबाटोस्थित एन्फा कम्प्लेक्स मैदानमा मंगलबार सम्पन्न खेलमा पुलिसले बागमतीलाई २–० ले हराएको हो। पुलिसको जितमा कप्तान नेरु थापा र पूजा रानाले गोल गरिन्। यसअघि पुलिसले वालिङ नगरपालिकालाई ५–० ले हराएको थियो भने विभागीय डर्बीमा पूजाको गोलले मान्यता नपाउँदा त्रिभुवन आर्मीसँग अंक बाँड्नुपरेको थियो। योसँगै पुलिसले साबिक विकेट एपिएफलाई एक अंकले उछिन्न सफल भएको छ। एक खेल कम खेलेको एपिएफको ६ अंक छ। पुलिसले भने तीन खेलबाट सात अंक बटुलेको छ। बागमतीको भने यो लगातार तेस्रो हार हो। यसअघि बागमती आर्मीसँग २–० र एपिएफसँग ५–१ ले पराजित भएको थियो।
पुलिसलाई दोस्रो जित दिलाउन नेरुले खेलको नवौं मिनेटमै सुरुआती अग्रता दिलाएकी थिइन्। निर्धारित समय सकिन आठ मिनेट बाँकी रहँदा पूजाले अर्को गोल गर्दै २–० को जित दिलाइन्। बागमतीले डिफेन्समा उल्लेख्य सुधार गरेपछि पुलिसले गोलका लागि कमै अवसर पाएको थियो।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
