१
काठमाडौँ | गायक तथा अभिनेता प्रकाश सपूत आफ्नै निर्देशनमा चलचित्र ‘वसन्त’ बनाइरहेका छन् । चैत २२ गतेलाई प्रदर्शन मिति तोकिएको सिनेमाको छायाँकन अन्तिम चरणमा छ । चलचित्रमा प्रकाश सपूत, स्वस्तिमा खड्का, प्रभात पाल ठकुरी, खड्क बहादुर पुन (खबपु), शिभान्सी श्री लगायत शीर्ष भूमिकामा छन् ।
साथमा, अनुप बराल, प्रकाश घिमिरे, कमलमणि नेपालको अभिनय रहने खबर यसअघि सार्वजनिक भइसकेको छ । यतिबेला यो चलचित्रलाई लिएर नयाँ जानकारी आर्ट खबरलाई प्राप्त भएको छ ।चलचित्रमा नाम चलेका अन्य थुप्रै कलाकारहरुलाई दर्शकले देख्न पाउने भएका छन् ।
स्रोतका अनुसार चलचित्रमा करिश्मा मानन्धर, दीलिप रायमाझी, निश्चल बस्नेत, प्रियंका कार्की, नाजिर हुसेनको पनि अभिनय रहनेछ । उनीहरुमध्ये कोही गीतमा त कोही विशेष भूमिकामा रहेको बुझिएको छ । यी कलाकारहरूले छायाँकन समेत सकिसकेका छन् ।
यो चलचित्रमा अन्य नाम चलेका कलाकार पनि रहेको र अभिनेता राजेश हमाललाई समेत अभिनय गराउने तयारी रहेको स्रोतको भनाइ छ । यसरी हेर्दा प्रकाश सपूतको यो चलचित्रको कास्टिङ रोचक हुने देखिएको छ । यस विषयमा सपूतले केही खुलाएका छैनन् ।
चलचित्र ‘वसन्त’ प्रकाश सपूतको निर्देशकीय डेब्यु सिनेमा हो । उनले ‘परदेशी २’ बाट अभिनेता रूपमा फिल्ममा डेब्यु गरेका थिए । यो सिनेमाले राम्रो व्यापार गरेको थियो । ब्लकबस्टर चलचित्र ‘पूर्णबहादुरको सारंगी’ प्रकाशको दोस्रो सिनेमा हो ।
चलचित्र ‘वसन्त’को तयारीले प्रकाशले पछिल्लो समय अफिसियल गीत ल्याएका छैनन् ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
