१
रत्ननगर । पूर्वी चितवनको रत्ननगरमा मंगलबार आयोजना गरिएको स्वास्थ्य शिविरमा ३२२ जनाको स्वास्थ्य परीक्षण गरिएको छ । अन्तराष्ट्रिय ज्येष्ठ नागरिक दिवसको अबसरमा बृद्धबृद्धा तथा परम आनन्द हरिर्कितन समुह ज्येष्ठ नागरिक केन्द्रित स्वास्थ्य शिविर आयोजना गरेको हो । बरिष्ठ फिजिसियन डाक्टर भोजराज अधिकारी सहित विशेषज्ञहरुको टोलीले सुगर र प्रेसरका १२७ जना र आँखा १९५ जना गरी ३२२ जनाको उपचार गरिएको समुहका सचिव रामहरि लम्सालले जानकारी दिनुभयो । शिविरमा उपचार गराएका विरामीहरुलाई निःशुल्क औषधि र चस्मा वितरण गरिएको लम्सालले जानकारी दिए ।
उद्घाटन कार्यक्रम समुहका कार्यबहाक अध्यक्ष तन्द्रकान्त ओझाको अध्यक्षतामा भएको थियो । रत्ननगर नगरनगरपालिकामा मेयर प्रलाद सापकोटा प्रमुख अतिथि रहेको सो कार्यक्रममा उपमेयर यादव प्रसाद पाठक, वडा नं २ का वडाध्यक्ष राजेन्द्र प्रसाद घिमिरे लगायतले मन्तव्य राखेका थिए । शिविरमा पुस्पाञ्जली अस्पताल, भरतपुर आँखा अस्पताल, सपोर्ट एण्ड केयर र ब्लड केयर डाइनोसिष्टको सहयोग रहेका थिए । कार्यक्रममा वडा स्तरीय ज्येष्ठ नागरिक समितिका संयोजकहरुलाई सम्मान गरिएको थियो । यसैबीच समुहको आयोजनामा बाद्यबादन तालिम समेत सुरु गरिएको छ । तालिमको मेयर सापकोटाले उद्घाटन गरेका थिए । धर्मसंस्कृतिको संरक्षणको लागि आयोजना गरिएको तालिममा रत्ननगरका १६ वटा वडाका ३२ जनाको सहभागी छन् ।
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ | हाम्रो खबर नेपाल
ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
