दलभित्रैको शक्ति प्रदर्शनपछि बानियाँ बागमतीका मुख्यमन्त्री
बागमती प्रदेशको नयाँ मुख्यमन्त्रीमा नेपाली कांग्रेस संसदीय दलका नेता इन्द्रबहादुर बानियाँ नियुक्त भएका छन्। नेकपा एमाले र कांग्रेस गठबन्धनबाट ६४ सांसदको समर्थनमा उनी नियुक्त भएका हुन्। उनले पद तथा गोपनियताको सपथसमेत ग्रहण गरिसकेका छन्।
मुख्यमन्त्री बन्न उनले आफ्नै दलका नेता बहादुर सिंह लामालाई अविश्वास प्रस्तावमार्फत हटाएका थिए। साउन १५ मा दलको नेतामा २२ मतसहित निर्वाचित भएका बानियाँ कांग्रेस बागमती प्रदेश सभापतिसमेत हुन्।
मकवानपुरको हर्नामाडीमा जन्मिएका बानियाँ ०४४ सालदेखि राजनीतिमा सक्रिय छन्। विद्यार्थी राजनीतिबाट सुरु गरेका उनले तरुण दल, कांग्रेस जिल्ला नेतृत्व, संविधानसभा सदस्य, राज्यमन्त्री हुँदै हाल प्रदेशसभा सदस्य र अब मुख्यमन्त्रीसम्मको यात्रा तय गरेका हुन्।
...
