Day: २२ आश्विन २०८३, बिहीबार

काठमाडौं । दुर्गा प्रसाईंको नेतृत्वमा नयाँ राजनीतिक दल ‘नेपाल पथ पार्टी’ निर्वाचन आयोगमा विधिवत् दर्ता भएको छ। पार्टीले आयोगबाट दल दर्ताको प्रमाणपत्रसमेत प्राप्त गरेको जनाएको छ। पार्टीले आगामी मंसिर ७ गते झापाको दमकमा औपचारिक घोषणा कार्यक्रम गर्ने जनाएको छ। घोषणा कार्यक्रममा पार्टीको राजनीतिक दृष्टिकोण र आगामी कार्यदिशाबारे जानकारी गराइने बताइएको छ। ‘नेपाल पथ पार्टी’ले आफूलाई **‘नेपाल र नेपालीको पार्टी’**का रूपमा प्रस्तुत गरेको छ। पार्टीले राष्ट्रवादी धारमा विश्वास राख्ने नेपालीसहित उद्योगी–व्यवसायी, श्रमिक, युवा तथा आम नागरिकलाई देश र जनताको हितमा एकताबद्ध भएर अघि बढ्न आह्वान गरेको छ। त्यसैगरी पार्टीले नेपाली सेना, नेपाल प्रहरी, सशस्त्र प्रहरी बललगायतका पूर्वराष्ट्रसेवक तथा राष्ट्रसेवकहरूलाई राष्ट्रिय एकता, सुशासन, शान्ति र समृद्धिका लागि सहकार्य गर्न आग्रह गरेको छ। पार्टीले देश जोगाउन...