Day: १४ श्रावण २०८२, मंगलवार

साउन ११ गते नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले शिव बाँस्तोलालाई कार्यवाहक अध्यक्ष तोकेपछि पार्टीमा आन्तरिक विवाद चुलिएको छ। बहुमत केन्द्रीय सदस्यले बैठक माग गरिरहँदा श्रेष्ठले एकल निर्णय गरेपछि असन्तोष बढेको हो। उक्त दिन नै बसेको बहुमत सदस्यको बैठकले श्रेष्ठको निर्णयमा आपत्ति जनाउँदै राष्ट्रिय भेला बोलाएको छ। अध्यक्ष श्रेष्ठले भने भेला अवैधानिक भएको दाबी गर्दै, बाँस्तोलालाई अनुभवका आधारमा कार्यवाहक बनाइएको बताएकी छन्। श्रेष्ठलाई स्पष्टीकरण मागिएको छ र चित्तबुझ्दो जवाफ नआए कडा निर्णय हुने चेतावनी दिइएको छ।  ...

प्रधानमन्त्रीको स्वागतमा चिसापानी जाँदै गर्दा लम्कीमा भौतिकमन्त्री र कानूनमन्त्रीका गाडी आपसमा ठोक्किएका छन् । मानवीय क्षति नभएको प्रहरीले जनाएको छ।

नेपाली कांग्रेस बागमती प्रदेश संसदीय दलका नेता बहादुरसिंह लामा अविश्वास प्रस्ताव पारित भएसँगै पदमुक्त भएका छन्। दलको बैठकमा लामाको पक्षमा १५ र विपक्षमा २२ मत परेको थियो। अब नयाँ नेता चयन प्रक्रिया केही दिनमै सुरु हुने बताइएको छ।